QR Ulttyq Olımpıada komıtetiniń prezıdenti Gennadıı Golovkın Parıjdegi Olımpıadadan keıin alǵash ret qazaq boksynyń kóshbasshylarymen kezdesti, dep habarlaıdy “Adyrna” ulttyq portaly QR UOK baspasóz qyzmetine siltep.
«UOK basshysy 2024 jyly Parıjde (Franııa) ótken Olımpıada oıyndaryna qatysqannan keıin alǵash ret Qazaqstan quramasynyń jattyqtyrýshylar quramymen betpe-bet kezdesý ótkizdi. Gennadıı Golovkın 2024 jylǵy Olımpıadaǵa qatysqan boksshylardyń qazirgi jaǵdaıy týraly bildi. Sondaı-aq, jattyqtyrýshylar shtaby óz kezeginde aldaǵy týrnırlerge daıyndyq boıynsha aǵymdaǵy oqý-jattyǵý jıyndarynyń barysy týraly aıtty», - delingen habarlamada.
Kezdesýge UOK prezıdenti Gennadıı Golovkın, Bas hatshy Álimjan Aqaev, QSB basshysy Shahmurat Mútálip, atqarýshy dırektor Raýan Igenev, sondaı-aq bokstan Qazaqstan erler quramasynyń bas bapkeri Qaırat Sátjanov jáne aǵa jattyqtyrýshy Asqar Erkebaev qatysty.
Komanda Qaraqozy Ábdalıevti eske alýǵa arnalǵan halyqaralyq jarystarǵa jáne Qazaqstan chempıonatyna qatysýdy josparlap otyr. Qaırat Sátjanov pen Asqar Erkebaevtyń aıtýynsha, bul týrnırlerdiń nátıjeleri komandalyq quramnyń qalyptasýyna tikeleı áser etedi.
