Qazaqstandyq jýrnalıst Aıdos Sadyqovqa qastandyq jasaý isi boıynsha kúdiktilerdiń biri ustaldy. Bul týraly búgin, 22 maýsymda Bas prokýratýra málimdedi, dep habarlaıdy «Adyrna» tilshisi.
Baspasóz qyzmeti Ýkraınanyń quqyq qorǵaý organdary jedeldigi men kásibıligin kórsete otyryp, qysqa merzimde qylmysty jasaǵan tulǵalardy anyqtaǵanyn aıtty.
«21 maýsymda A.M. Jaqanbaev Qazaqstan Respýblıkasynyń Ishki ister organdaryna óz betinshe habarlasty. Er adamnan istiń mán-jaıy boıynsha jaýap alyndy. Sol kúni ol osy qylmysty jasady degen kúdikpen ustaldy. M.Qarataevtyń turǵan jerin anyqtaý boıynsha jedel izdestirý sharalary júrgizilýde»,—delingen habarlamada.
Buǵan deıin Ýkraınada Aıdos Sadyqovqa qastandyq jasaǵan eki kúdiktige halyqaralyq izdeý jarııalanǵanyn jazǵan edik.
