Kókshetaý qalasynda 236 jas aqmolalyq «Altyn belgi» ıegeri qurmetke ıe boldy. Aıryqsha belgiden basqa olarǵa saltanatty túrde 100 000 teńge somasyna aqshalaı sertıfıkattar tabys etildi.
Oblys ákimi Marat Ahmetjanov túlekterdi jetistikterimen quttyqtap, búgingi túlekter – Qazaqstannyń basty baılyǵy men jarqyn bolashaǵy ekenin atap ótti.
«Memleket Basshysy Qasym-Jomart Toqaev «Aǵa býyn jas urpaqqa jol nusqap, baǵyt-baǵdar berýi kerek. Elimizde kózi ashyq, kókiregi oıaý, oıy ushqyr, bilimdi jastar kóp. Biz olardyń boıyna asyl qasıetterdi sińirýimiz qajet». Búgingi tańda memleket ózin-ózi júzege asyrý úshin jáne árqaısyńyz aldyńyzǵa qoıylǵan maqsatqa jetip, óz áleýetińizdi tolyq ashýyńyz úshin barlyq jaǵdaılardy jasady. Óz kúsh-jigerińizdiń arqasynda sizder tabysqa jetý jolynda alǵashqy qadam jasadyńyzdar, baǵa jetpes kapıtalǵa ıe boldyńyzdar – bul ómir boıy tirek bolatyn bilim men daǵdylar ", - dedi M.Ahmetjanov.
Abaı atyndaǵy №3 daryndy balalarǵa arnalǵan oblystyq mamandandyrylǵan mektep-ınternatynyń túlegi Ámir Dáýletbaev túlekterdiń atynan jaýap sóz sóıledi.
«Biz túlekter eń aldymen ata-analarymyz ben pedagogtarymyzǵa bergen bilimderi úshin alǵys aıtamyz. Bolashaqta biz sizderdiń senimiderńizdi aqtaý úshin bar kúshimizdi salamyz jáne Otanymyzdyń damýyna óz úlesimizdi qosamyz», - dedi «Altyn belgi» ıegeri.
Aıta keteıik, bıyl orta mektepti 11-synyptyń 5000-ǵa jýyq túlegi aıaqtady, onyń ishinde 236-sy «Altyn belgi» ıegeri jáne 347-si jalpy orta bilim týraly úzdik attestat ıegeri atandy.
Is-shara oblystyń oqý oryndarynyń shyǵarmashylyq mamandyqtary stýdentteriniń mýzykalyq nómirlerimen jalǵasty.
