Memleket basshysy Qasym-Jomart Toqaevtyń qoldaýymen elimizde 2024 jyldyń 6 sáýiri men 11 mamyry aralyǵynda «Taza Qazaqstan» respýblıkalyq ekologııalyq akııasy ótti. Atalmysh ıgi sharaǵa Aqmola oblysynyń turǵyndary da belsendilik tanytyp, úles qosty.
Aqmola oblysy Ishki saıasat basqarmasynyń málimetinshe, aýqymdy ekologııalyq akııa bes aptaǵa sozyldy, olardyń árqaısysy belgili bir taqyrypqa arnaldy. Sáýirdiń 13-ne deıin ótkizilgen «Taza ólke» aptalyǵy barysynda aýmaqtar men turǵyn úı aýlalary tazartyldy. Apta qorytyndysy boıynsha 70 tonna qoqys shyǵaryldy.
Odan keıingi «Kıeli meken» aptalyǵy tarıhı-mádenı eskertkishter aýmaǵyn abattandyrý jumystaryna arnaldy. «Jasyl aımaq» aptalyǵy aǵash kóshetterin otyrǵyzýmen, ekpelerdi aqtaýmen atap ótildi. Onda barlyǵy 16 myń túp aǵash otyrǵyzyldy.
Al «Ónegeli urpaq» aptalyǵy ardagerler men qarttar turtan 150-ge jýyq turǵyn úıdiń aýmaǵy men aýlasy tazartylyp, abattandyryldy.
Sońǵy «Móldir bulaq» aptalyǵy barysynda 27 sý aıdyny aýmaǵy - ózen, kólderdiń jaǵasy kúl-qoqystan tazartyldy. Jalpy, akııa barysynda 3 myńǵa jýyq is-shara ótkizilip, 40 tonna kúl-qoqys qatty turmystyq qaldyqtar polıgonyna tasymaldandy.
Búgin atalmysh akııa jalǵasyn taýyp, Atbasar aýdanynda 2 myńǵa jýyq adam eldi mekenderdi kúl-qoqystan tazartýǵa shyqty.
Aýdan ákimdiginiń málimetinshe, aýdan boıynsha barlyǵy 365 tonna kúl-qoqys jınaldy. Akııa barysynda Atbasar qalasynyń jaǵajaı aýmaǵy, Esenberlın, Áýezov, Aǵybaı batyr tárizdi birqatar kósheleri qoqystan tazartyldy jáne abattandyryldy. Qalanyń ortalyq alańynda kanadalyq raýshan gúli men sándik buta aǵashtary otyrǵyzyldy.
«Aýdan turǵyndaryn «Taza Qazaqstan» respýblıkalyq ekologııalyq akııasyna qatysyp, týǵan ólkeniń tazalyǵyn saqtaýǵa úles qosylýǵa shaqyramyn», - dedi aýdan basshysy Amanbek Qaljanov.
Akııaǵa Atbasar elektrovoz jóndeý zaýytynyń, «Atbasar sý» kommýnaldyq kásipornynyń, «Ajdar jáne K» vagon jóndeý kásipornynyń, memlekettik mekemelerdiń, bilim berý jáne densaýlyq saqtaý mekemeleriniń, kommýnaldyq qyzmetterdiń jumysshylary, Atbasar agrarlyq-ındýstrııalyq kolledjiniń ujymy men stýdentteri, Jastar resýrstyq ortalyǵynyń músheleri, eriktiler asa belsendilik tanytty.
