Aımaqtaǵy sý tasqynynan týyndaǵan kúrdeli áleýmettik-ekonomıkalyq jaǵdaıdy eskere otyryp, barlyq merekelik is-sharalardy ustamdy formatta ótkizý usynylyp otyr. Barlyq is-sharalardy qoǵamdyq-mańyzdy jáne áleýmettik-paıdaly bastamalardy iske asyrý qajettiligine erekshe nazar aýdarý mańyzdy. Bul týraly óńirlik kommýnıkaııalar qyzmetinde ótken brıfıngte oblystyq ishki saıasat basqarmasy basshysynyń orynbasary Jandáýlet Qylyshbaev málim etti.
Basqarma basshysy orynbasarynyń aıtýynsha, Otan qorǵaýshylar kúni men Jeńis kúnin merekeleý áskerı dástúrdiń sabaqtastyǵymen, memlekettiń beıbitshiligi men táýelsizdigin saqtaýǵa jáne nasıhattaýǵa baǵyttalǵan.
Otan qorǵaýshylar kúnin merekeleý aıasynda buqaralyq aqparat quraldarynda jáne áleýmettik jelilerde zardap shekkenderge ózara kómek kórsetý, qoldaý, gýmanıtarlyq kómekti jınaý jáne jóneltý hronıkasy, qarapaıym azamattardyń kúshimen turǵyn úılerdi, áleýmettik nysandardy qalpyna keltirý tárizdi sıýjetter men beınerolıkterdi belsendi túrdi kórsetý jáne taratý qamtamasyz etiledi. Sondaı-aq, jergilikti atqarýshy organdardyń birinshi basshylarynyń qatysýymen sý tasqynyn joıýǵa belsendi qatysqan azamattardy qoldaý jáne kótermeleý boıynsha saltanatty is-sharalar uıymdastyrylady.
«Otan qorǵaýshylar men Jeńis kúnin merekeleýdiń biryńǵaı merkelik atrıbýty qoǵamda keń qoldaýǵa ıe bolǵan memlekettik Tý túsindegi patrıottyq «Jeńis lentasy» bolyp tabylady. Bıyl bizdiń qaharman batyrlarymyzdy eske alýǵa arnalǵan «Er esimi – el esinde» atty onlaın akııasy osy maqsatta arnaıy qurylǵan platformada ótkiziletin bolady. TMD elderindegi jáne jalpy álemdegi qazirgi qıyn geosaıası jaǵdaıdy eskere otyryp, aımaqta beıbitshilik pen kelisimdi saqtaý úshin «Máńgilik polk» sherýi bolmaıdy. Eriktiler men jastar uıymdarynyń belsendileri soǵys ardagerleri men tyl eńbekkerlerin qoldaý úshin «Ardagerlerge taǵzym» qaıyrymdylyq akııalaryn ótkizedi. Mádenıet uıymdarynda taqyryptyq kórmeler, ekspozıııalar, áskerı-patrıottyq taqyryptaǵy qoıylymdar uıymdastyrylady. Bilim berý uıymdarynda soǵys ardagerleri men áskerı qyzmetshilerdiń qatysýymen «Erlik sabaqtary» ótkiziledi. Bul qazaqstandyq batyrlar týraly barlyq aqparatty jınaqtaýǵa múmkindik beredi», - dedi Jandáýlet Qylyshbaev.
Basqarma basshysynyń orynbasary atap ótkendeı, mereke qarsańynda soǵys ardagerlerine birjolǵy tólemder beriledi. Sonymen birge, soǵys ardagerlerin jáne olarǵa teńestirilgen adamdar sanattaryn keshendi áleýmettik-medıınalyq tekserý aılyǵy bastalady.
Mereke qarsańynda Aqmola oblysynyń ákimi soǵys ardagerleri men olardyń otbasylaryna, sondaı-aq, memlekettiń qamqorlyǵynda qalǵandarǵa baryp kezdesedi.
Otan qorǵaýshylar kúni men Jeńis kúnine oraı áleýmettik jelilerde soǵys ardagerleri men qazirgi zaman batyrlary týraly taqyryptyq jobalar men baǵdarlamalar, kórkem jáne derekti fılmder, sıýjetter jarııalanady.
Buqaralyq aqparat quraldarynda Qarýly Kúshterdiń áskerı qyzmetshileri men ardagerleri týraly taqyryptyq materıaldar, maqalalar, suhbattar, sondaı-aq aldaǵy merekelik kúnderge arnalǵan arnaıy aıdarlar men telebaǵdarlamalar jaryq kóredi.
Jastar uıymdarynyń, mádenıet ókilderiniń, blogerler men jýrnalısterdiń jáne qoǵam belsendileriniń qatysýymen áleýmettik jelilerde patrıottyq akııalar iske qosylady.
