23 маусымда футболдан әлем чемпионатының К тобы аясында Португалия мен Өзбекстан құрамалары екінші тур матчында өзара кездеседі, деп хабарлайды "Адырна" ұлттық порталы.
Ойын АҚШ-тың Хьюстон қаласындағы «NRG Stadium» стадионында өтеді. Кездесудің бас төрешісі қызметін марокколық Джалал Джайед атқарады. Матчтың басталуы Мәскеу уақытымен сағат 20:00-ге жоспарланған.
Кездесу алдында екі команда да алғашқы турдағы нәтижелерінен кейін ұпай еншілеуге ұмтылады.
Португалия құрамасы алғашқы ойында Конго Демократиялық Республикасымен 1:1 есебімен тең түссе, Өзбекстан құрамасы Колумбиядан 1:3 есебімен жеңілген.
Топтық кезеңнің соңғы турында Португалия Колумбиямен, ал Өзбекстан Конго Демократиялық Республикасы құрамасымен кездеседі.
Ұқсас жаңалықтар
