Алматылық футболшы Дастан Сәтбаевтың ағылшындық "Челси" клубына ауысқаннан кейін алатын жалақысы жарияланды, деп хабарлайды "Адырна" ұлттық порталы.
Sportarena.kz мәліметі бойынша, жас шабуылшыға ай сайын 14 мың фунт, шамамен 9 миллион теңге төленетін болады. Алайда, спортшы бұл ақшаны бірден жұмсай алмайды.
Жалақының үлкен бөлігі оның ата-анасына аударылады. Атап айтқанда, 12 мың фунт ата-анасының есепшотына жіберіледі. Ал қаражат тек Дастан 22 жасқа толған кезде ашылады.
Сәтбаевтың "Челси" клубымен бес жылдық келісімшарты бар. Сондай-ақ тағы бір жылға ұзарту мүмкіндігі қарастырылған.
Айта кетейік, өткен аптада алматылық "Қайрат" клубының ойыншысы Еуропаның танымал футбол клубына ауысқаны туралы ресми ақпарат жарияланған болатын.
