Талғар қаласының әкімі Бақыт Күрішбеков пен оның орынбасары Матан Сағындық өз міндеттерін тиісінше орындамағаны үшін қызметінен босатылды. Бұл туралы бүгін Талғар ауданы әкімдігі мәлімдеді, деп хабарлайды “Адырна” ұлттық порталы.
“Талғар қаласының әкімі Күрішбеков Бахыт Куатбекович, Талғар қаласы әкімінің орынбасары Матан Сағындық өз міндеттерін тиісті деңгейде атқармағаны үшін атқарып отырған лауазымдарынан босатылды”, — деп жазылған ресми ақпаратта.
Күрішбеков Талғарды 2022 жылдың жазынан бері
басқарып келеді. Сайлау алдында "Аманат" партиясы Талғар аудандық филиалының жауапты хатшысы қызметін атқарған. Айта кетейік, 4 қазан күні Талғарда 16 жасар Шерзат Болат есімді жасөспірім 15 адамның қолынан қайтыс болған еді. Жасөспірімнің қазасынан кейін Шерзаттың туыстары істің ашық тергелуін талап етті. Одан кейін марқұм Шерзаттың үйін әлдекімдер өртеп кетті. Бұл қоғамда үлкен резонанс тудыруда.
