Қасым-Жомарт Тоқаев жазушы Ілия Жақановқа және Қазақ тағамтану академиясының президенті Төрегелді Шармановқа ерекше құрмет белгісі – «Алтын Жұлдыз» белгісімен «Қазақстанның Еңбек ері» атағын беру туралы жарлыққа қол қойды. Бұл туралы “Адырна” ұлттық порталы Ақорданың ресми сайтына сілтеме жасап хабарлайды.
Сайтта Қазақстан Республикасының Президенті Қасым-Жомарт Тоқаевтың Қаулысы жарияланды.
ҚАУЛЫ ЕТЕМІН:
1. Қазақстан Республикасының әлеуметтік-гуманитарлық дамуындағы аса үздік жетістіктері үшін:
жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі – Алтын жұлдыз тапсырылсын:
Жақанов Илья – жазушы, Атырау қаласы.
2. Қазақстан Республикасының денсаулық сақтау саласын дамытудағы аса үздік жетістіктері үшін:
жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын:
Шарманов Төрегелді – Қазақ тағамтану академиясының президенті, Алматы қаласы.
”Адырна” ұлттық порталы