Чехия мен Ресейдің қарым-қатынасы күрделене түсті. Чех сыртқы істер министрлігі бүгін елден орыстардың 18 дипломатын шығарып жіберетінін мәлімдеді.
Бұл шешім 2014 жылғы жарылысқа байланысты боп отыр. Сол жылы елде оқ-дәрі қоймасы жарылған екен, 2 адам қаза тауыпты. Үкімет орыс дипломаттарының сол жарылысқа қатысы бар, дәлел де жеткілікті деп отыр.
Сол жылы, сол уақытта әлгі Петров пен Боширов (Ұлыбританияда Скрипальдарды Новичокпен улаған екі жендет) та Чехияда жүріпті. Енді екеуіне іздеу жариялады.
Үкіметінен бөлек саяси белсенділері де Ресейді көп сынайды. Кеше Прагадағы Ресей елшілігі ғимараты алдында "Путинді дәретханаға отырғызып" кетті.
Нұрбек ТҮСІПХАН,
"Адырна" ұлттық порталы
Ұқсас жаңалықтар
