Бүгін Қазақстан Республикасы Денсаулық сақтау вице-министрі, бас мемлекеттік санитар дәрігері Ерлан Қиясовтан бөлек, Шымкент әкімі Мұрат Әйтенов пен Ажар Ғиният вакцинадан кейінгі әсерімен бөлісті, деп хабарлайды "Адырна" ұлттық порталы.
Мұрат Әйтенов жағдайының жақсы екендігін айтты. Сондай-ақ, қалаға «Спутник V» вакцинасының 1000 дозасы жеткізілген болатын.
Осы жылдың соңына дейін 6 миллион адамға вакцина егіледі. Алайда, вакцинациялауға профилактикалық егуге қарсы көрсеткіштері жоқ адамдар ғана жіберіледі.
Қазақстан Республикасы Денсаулық сақтау вице-министрі Ажар Ғиният та алғашқылардың бірі боп вакцина салдырды.
"Барлық медициналық қызметкерді, әріптестерімді және халықты коронавирустық инфекцияға қарсы екпе алуларын сұраймын. Өйткені бүгінгі таңда эпидемиологиялық жағдайдың асқынып тұрған кезінде инфекцияға қарсы күрестің бірден-бір жолы - осы вакцинаны алып, иммунитетті қалыптастыру", - деді ол.
Вакцинаның келесі дозасы 21 күннен кейін салынбақ.
"Адырна" ұлттық порталы
