Түркістан облысы, Төле би ауданы, Қоғалы ауылдық округіне қарасты Диханкөл ауылының тұрғындары ауруханада ем алып жатқан азаматтарға көмек қолып созып, 1000 литрге жуық қымыз таратуда.
Атап айтқанда, Төлеби аудандық ауруханасына 50 литр, Сайрам аудандық ауруханасына 60 литр, Шымкент қалалық жұқпалы аурулар орталығына 100 литр,
Облыстық балалар ауруханасына 50 литр, Қалалық балалар ауруханасына 50 литр, Шымкент провизорлық орталығына 100 литр,
Мұқтаж отбасыларға 50 литр қымыз таратылды.
Ауыл азаматтары ертең тағы 500 литрге жуық қымыз үлестіруді жоспарлап отыр.
Қымыз қымбат болып тұрғанда, 1000 л қымызды дайындау, оны науқастарға тегін таратуды ердің-ерлері ғана жасай алады.
Мұқтаждарға бергенің берекесімен қайтатынын ұмытпайық ағайындар!
Рүстем Ашетаев,
журналист, қоғам белсендісі
