Елімізде коронавирус пен пневмония статистикасы біріктіріледі.
Денсаулық сақтау министрі Алексей Цойдың айтуынша, мұндай қадамға Дүниежүзілік денсаулық сақтау ұйымы Еуропалық өңірлік бюросының консультацияларын ескере отырып барған. Осылайша, COVID-19 белгілерін есепке алу үшін жаңа кодтау жүйесіне (халықаралық нормаға - ред.) көшетіні белгілі болды.
COVID-19 зертханалық расталған жағдайлары ПТР-тестілеуі теріс нәтиже көрсеткен, бірақ коронавирустың клиникалық және эпидемиологиялық белгілері бар пневмония жағдайларымен біріктіріледі.
Коронавирустың халықаралық жіктелуіне толық көшу 1 тамыздан бастап жүзеге асырылады, - деді министр.
Еске сала кетсек, елімізде 66 895 адамнан коронавирус белгілері анықталған. Олардың 40 256 жазылып, 375 адам қайтыс болды.
"Адырна" ұлттық порталы
