Алматы халықаралық әуежайына Ресейден дәрі дәрмек тиелген тағы бір ұшақ келді. Бұл жолы 30 тоннаға жуық препарат жеткізілді.
Қазіргі кезде елімізде тапшы болып тұрған азитромицин, меро-пенем, гепарин, фраксипарин сынды вирусқа қарсы және дене қызуын басатын дәрілер келді.
Еске сала кетейік , кеше түстен кейін Алматыға дәл осындай жүкпен алғашқы ұшақ 15 тонна дәрімен келіп қонған болатын.
Осылайша бір тәулікте Ресейден 45 тоннадан астам дәрі-дәрмек жеткізілді. Бұлар еліміздің өңірлеріндегі дәріханаларға таратылады.
-Дәрі-дәрмектер алдағы екі айда сұранысты толығымен қамтамасыз етуге жеткілікті, Ал келер аптада Үндістаннан дәрі-дәрмекпен тағы екі ұшақ ұшып келуі тиіс, - дейді қала басшылығы.
"Адырна" ұлттық порталы
