Palestınany qoldaıtyn belsendiler AQSh prezıdenti Donald Tramptyń Shotlandııadaǵy "Trump Turnberry" golf-klýbyna shabýyl jasady, dep habarlaıdy "Adyrna" ulttyq portaly RIA Novostı-ǵa silteme jasap.
Bul týraly Palestine Action qozǵalysy málimdedi.
Olar gazonǵa "Gaza satylmaıdy" degen úsh metrlik jazý qaldyryp, klýb ǵımaratyn boıap, bedeldi jasyl alańdardy qazyp tastaǵan.
Belsendiler bul áreketti AQSh ákimshiliginiń Gaza sektoryna qatysty saıasatyna qarsy jaýap retinde jasaǵanyn aıtty.
"Tramp Gazany óz menshigindeı kóredi. Biz oǵan onyń óz menshigi de qaýipsiz emes ekenin kórsettik", – delingen Palestine Action qozǵalysynyń málimdemesinde.
Trump Turnberry golf-klýby 1906 jyly salynǵan. AQSh prezıdenti 2014 jyly ony 60 mıllıon dollarǵa satyp alyp, qaıta jóndeýden ótkizip, álemdegi eń úzdik golf-klýbtardyń birine aınaldyrǵan.
Buǵan deıin Tramp Gaza sektoryn AQSh baqylaýǵa alyp, ony "Taıaý Shyǵystaǵy Rıveraǵa" aınaldyrýdy josparlap otyrǵanyn aıtqan bolatyn. Ol Gazany joıylatyn aımaq dep atap, onyń turǵyndary Iordanııa men Egıpetke kóshýi kerek degen pikir bildirgen. Sondaı-aq, AQSh áskerin Gazada ornalastyrý múmkindigin joqqa shyǵarmaı, aımaqqa jeke barýǵa ýáde bergen.
