Бүгін Астана – Ақтау бағытындағы FS 7375 рейсінде жолаушының рюкзагы жоғарғы жүк сөресінде өртеніп, ұшақ қайта оралуға мәжбүр болды, деп хабарлайды "Адырна" ұлттық порталы.
FlyArystan әуе компаниясының мәліметінше, өртті бортсеріктер жедел түрде сөндірген. Зардап шеккендер жоқ.
"Ұшақ бортында 182 жолаушы болды. Әуе кемесі бастапқы ұшу пунктіне оралды. Қону штаттық режимде өтті. Оқиғаның барлық мән-жайы анықталғаннан кейін қосымша ақпарат беріледі", – деді әуе компаниясы
Рейс Астана уақыты бойынша 17:10-ға шегерілді.
