Астанада тұрғын үй кешенінде баланы пышақтап тастаған, деп хабарлайды “Адырна” ұлттық порталы.
Жағдай лифтіде болған. Кейіннен қылмыс жасаған жасөспірім оқиға орнынан қашып кеткен.
Баланың анасы ұлы дүкенге шығып, қайтып келген кезде бетінің сол жағы кесілген жараларға толы болғанын айтқан.
Жарақат алған бала бетінде көптеген кесілген жаралары бар күйде №2 көпбейінді балалар ауруханасына жеткізілді. Оны травматолог пен жақ-бет хирургі тексерген.
Бала ауыр жағдайда, ол жақ-бет хирургиясы бөлімшесіне жатқызылды.
Шабуыл жасаушының кім екені анықталған. Кәмелетке толмаған жасөспірім ұсталды. Астана полиция департаментінің мәліметінше, күдікті психоневрологиялық диспансерде есепте тұр.
