АҚШ президенті Дональд Трамп Мәскеуді Украинаға қарсы соғысты тоқтатуға мәжбүрлеу үшін Ресейге қарсы санкцияларды күшейтуге дайын. Бұл туралы оның Украина мен Ресей бойынша арнайы өкілі Кит Келлог New York Post басылымына берген сұхбатында айтты, деп хабарлайды “Адырна” ұлттық порталы.
Келлогтың пікірінше, АҚШ санкцияларының тиімділігі жоғары болғанымен, оларды одан әрі күшейтуге мүмкіндік бар.
“Ресейлік әскери операциялардың ДНҚ-сында соғысты соза беру үрдісі бар. Олар бұған үйреніп қалған. Сталинград шайқасында алты айдың ішінде 700 000 адамын жоғалтты, бірақ соғысты жалғастыра берді”, – деді дипломат Келлог.
Келлог Ресейге тек әскери тұрғыда емес, экономикалық қысым жасау қажет екенін атап өтті.
Дипломаттың айтуынша, Украина мен Ресей ақырында бейбітшілік келісіміне келуі тиіс.
