1937 جىلى 8 جەلتوقساندا احمەت بايتۇرسىنۇلى «حالىق جاۋى» دەگەن ايىپپەن اتۋ جازاسىنا كەسىلدى.
احمەت بايتۇرسىنۇلى – اقىن، عالىم-ادەبيەتتانۋشى، تۇركىتانۋشى، پۋبليتسيست، پەداگوگ، اۋدارماشى جانە قوعام قايراتكەرى، حح عاسىردىڭ باسىنداعى قازاق حالقىنىڭ ۇلتتىق-ازاتتىق قوزعالىسىنىڭ جەتەكشىلەرىنىڭ ءبىرى. سونىمەن قاتار، ول - قازاق ءتىل ءبىلىمى مەن ادەبيەتتانۋ عىلىمىنىڭ نەگىزىن قالاۋشى، ۇلتتىق جازۋدىڭ رەفورماتورى، اعارتۋشى جانە الاش وردا اتقارۋشى بيلىگىنىڭ مۇشەسى.
1929 جىلدىڭ ماۋسىم ايىندا ونىڭ ساياسي قىزمەتى قايتا قارالىپ، ىشكى ىستەر حالىق كوميسسارياتىنىڭ ورگاندارى تاراپىنان تۇتقىندالدى.
1934 جىلى قىزىل كرەست كوميسسياسىندا قىزمەت ەتكەن م. گوركيدىڭ ايەلى ە. پەشكوۆانىڭ ءوتىنىشى بويىنشا احمەت بايتۇرسىنۇلى بوساتىلدى.
1937 جىلى قايتادان تۇتقىندالىپ، 8 جەلتوقسان كۇنى ىشكى ىستەر حالىق كوميسسارياتى «ۇشتىگىنىڭ» شەشىمىمەن «حالىق جاۋى» دەگەن ايىپپەن اتىلدى.
1988 جىلى احمەت بايتۇرسىنۇلى اقتالدى.
