پۋتين پرەزيدەنت توقاەۆتى ماسكەۋدەگى جەڭىستىڭ 80 جىلدىعىنا ارنالعان شەرۋگە شاقىردى، دەپ حابارلايدى "ادىرنا" ۇلتتىق پورتالى.
رەسەي پرەزيدەنتى ۆلاديمير پۋتين قاسىم-جومارت توقاەۆتى جانە ۇقشۇ ەلدەرىنىڭ باسشىلارىن 9 مامىردا ماسكەۋگە كەلۋگە شاقىردى.
ونىڭ سوزىنششە، جەڭىستىڭ 80 جىلدىعىنا وراي قىزىل الاڭدا وتەتىن شەرۋگە ۇقشۇ ەلدەرىنىڭ اسكەري بولىمدەرى دە قاتىسا الادى.
"كەڭەس حالقىنىڭ ۇلى وتان سوعىسىنداعى جەڭىسى ەسىمىزدە. وسى جەڭىستىڭ 80 جىلدىق مەرەيتويى. ءبىزدىڭ بارلىعىمىزدىڭ ەلدەرىمىزدە بۇل شارا جوعارى مەملەكەتتىك دەڭگەيدە وتەدى. 9 مامىردا ماسكەۋدە وتەتىن وسى سالتاناتتى شارالارعا قاتىسۋعا كەلەسىزدەر دەپ ۇمىتتەنەمىن. سونىمەن قاتار ۇقشۇ ەلدەرىنىڭ اسكەري قىزمەتكەرلەرىن رەسەي اسكەريلەرىمەن بىرگە قىزىل الاڭداعى شەرۋگە قاتىسۋعا شاقىرامىز", – دەدى پۋتين استاناداعى ۇقشۇ وتىرىسىندا.
