Путин Президент Тоқаевты Мәскеудегі жеңістің 80 жылдығына арналған шеруге шақырды, деп хабарлайды "Адырна" ұлттық порталы.
Ресей президенті Владимир Путин Қасым-Жомарт Тоқаевты және ҰҚШҰ елдерінің басшыларын 9 мамырда Мәскеуге келуге шақырды.
Оның сөзінще, Жеңістің 80 жылдығына орай Қызыл алаңда өтетін шеруге ҰҚШҰ елдерінің әскери бөлімдері де қатыса алады.
"Кеңес халқының Ұлы Отан соғысындағы жеңісі есімізде. Осы жеңістің 80 жылдық мерейтойы. Біздің барлығымыздың елдерімізде бұл шара жоғары мемлекеттік деңгейде өтеді. 9 мамырда Мәскеуде өтетін осы салтанатты шараларға қатысуға келесіздер деп үміттенемін. Сонымен қатар ҰҚШҰ елдерінің әскери қызметкерлерін Ресей әскерилерімен бірге Қызыл алаңдағы шеруге қатысуға шақырамыз", – деді Путин Астанадағы ҰҚШҰ отырысында.
