Әлеуметтік желіде Алматыда ер адам үйіне мас боп келіп, бірге тұрған әйелді бензин құйып, өртеп жібергені туралы ақпарат тарады. Бұл ақпаратты Алматы облысы полициясының баспасөз қызметі растады, деп хабарлайды “Адырна” ұлттық порталы.
Ақпаратқа сәйкес, 20 қарашада Алматы облысының кенттерінің бірінде екеуі ішімдік ішкен. Содан кейін олардың арасында жанжал болған. Мас күйінде ер адам әйелдің үстіне бензин құйып, содан кейін оны өртеп жіберген.
«Денсаулыққа қасақана ауыр зақым келтіру фактісі бойынша қылмыстық іс қозғалды. Қазір тергеу жүріп жатыр. Қазір қылмыстың барлық мән-жайлын объективті зерттеуге бағытталған барлық қажетті тергеу әрекеттері жүргізіліп жатыр», - деді ведомство.
Әйел термиялық күйіктерімен ауруханаға жатқызылған.
