Astana áýejaıynda alty reıstiń ushýy keıinge shegerildi, dep habarlaıdy "Adyrna" ulttyq portaly.
Astana halyqaralyq áýejaıynyń baspasóz qyzmeti josparlanǵan 75 reıstiń ishinen altaýynyń ushý ýaqyty keshiktirilgenin málimdedi. Ushýy 10:10-dan bastap josparlanǵan SU1957 Astana – Máskeý; KS7208 Astana – Atyraý; KS7315 Astana – Qyzylorda; KS921 Astana – Frankfýrt; DV716 Astana – Shymkent; KS642 Astana – Almaty reısteriniń kópshiliginiń ushý ýaqyty 14:00 men 16:00 aralyǵyna aýystyryldy.
Aýa raıynyń qolaısyzdyǵyna baılanysty reısterdiń keshigýi nemese toqtatylýy tirkelmegen.
Jolaýshylar reısterdiń mártebesi men kestedegi yqtımal ózgerister týraly aqparatty áýe kompanııasynan, sondaı-aq Astana halyqaralyq áýejaıynyń resmı saıtynan bile alady.
