Алматы облысындағы Алатау қаласының шекарасы белгіленді, деп хабарлайды "Адырна" ұлттық порталы.
Алматы облысы әкімдігінің 2024 жылғы 25 қыркүйектегі "Алматы облысындағы Алатау қаласының шекараларын бекіту туралы" қаулысы қабылданды.
"Алатау қаласының шекарасы, оның ішінде Қонаев қаласы, Іле және Талғар аудандары жерлерінің бөліктерін қоса отырып, жалпы ауданы 88 мың гектар шекарасы белгіленсін", – делінген құжатта.
Жаңадан бой көтерген Алатау қаласының шекарасына Қонаев қаласының 10 962 га, Іле ауданының 64 985 га, Талғар ауданынының 12 053 га жері кірді.
Ресми құжат 2024 жылғы 12 қазанда күшіне енеді.
Айта кетейік, премьер-министр Алматы облысы Iле ауданындағы Жетіген ауылы облыстық маңызы бар қала қатарына енуі туралы қаулыға қол қойған болатын.
