Ақтөбеде атыс болып, бір адам көз жұмды, деп хабарлайды "Адырна" ұлттық порталы.
Жанжал соңы атыс пен пышақтасуға ұласып, адам шығыны болды.
"28 мамыр күні Ақтөбе жедел жәрдем ауруханасына 18 бен 22 жас аралығындағы бірнеше облыс тұрғыны жеткізілді. Олардың аяқтарында пышақ жарақаттары бар. Біреуі жансақтау бөлімінде қайтыс болды", – делінген полиция хабарламасында.
Полиция қызметкерлерінің осы қылмысқа қатысы бар төрт күдіктіні анықтап, ұстағаны хабарланды. Барлық ұсталғандар уақытша ұстау изоляторына қамалды.
"Адам өлтіру және бұзақылық фактілері бойынша сотқа дейінгі тергеу амалдары басталды", – делінген полиция хабарламасында.
