Голан биіктеріндегі қазақстандық бітімгерлердің еңбекақысын Қорғаныс министрлігі мен БҰҰ төлейтін болады, деп хабарлайды “Адырна” ұлттық порталы Қорғаныс министрлігінің баспасөз қызметіне сілтеме жасап.
«Бітімгершілік контингентінің әскери қызметшілері Қазақстан Республикасы Қорғаныс министрлігі тарапынан қызмет өткерген әрбір ай үшін үш айлық жалақы мөлшерінде жалақымен қамтамасыз етіледі», - деп растады Қорғаныс министрлігінің баспасөз қызметі.
Сонымен қатар, БҰҰ ай сайын 1448 доллар төлейтін болады.
Естеріңізге сала кетейік, БҰҰ миссияларына қатысу үшін 430-ға дейін адам барады: «Голан биіктеріндегі БҰҰ бақылаушы күштері» (UNDOF, Сирия – Израиль);
«БҰҰ бітімгершілікті қадағалау ұйымы» (UNTSO, Палестина – Израиль);
«Оңтүстік Судан Республикасындағы БҰҰ Миссиясы» (UNMISS, Оңтүстік Судан);
«Абие үшін БҰҰ уақытша қауіпсіздік күштері» (UNISFA, Судан).
“Адырна” ұлттық порталы
