Шайбалы хоккейден Қазақстан құрамасы Гангвон – 2024 жасөспірімдер Олимпиадасының жартылай финалына шықты, деп хабарлайды “Адырна” ұлттық порталы ҚР Ұлттық Олимпиада комитетінің (ҰОК) баспасөз қызметіне сілтеме жасап.
“Шайбалы хоккейден Қазақстан құрамасы (3х3) Гангвон–2024 жасөспірімдер Олимпиадасының жартылай финалына шықты”, - делінген хабарламада.
Шешуші кездесуде хоккейшілеріміз Ұлыбританияны 22:13 есебімен ұтты.
Ал спортшы жігіттер жеңісті кездесуден кейін өз қолдаушыларына алғысын айтып, сезімдерімен бөлісті.
"Қазір біз, әрине, қуаныштымыз. Көптеген эмоциялар. Ертең бізді финалға шығу үшін маңызды матч күтіп тұр. Бізді қолдайтындардың бәріне алғыс. Қолдау үшін рақмет", - деді спортшылар.
Айта кетейік, Қазақстан жартылай финалда Латвиямен ойнайды. Матч 24 қаңтарда, 09:00-де басталады.
“Адырна” ұлттық порталы
