Алматыда жүк көлігі жер астына құлап кетті, деп хабарлайды “Адырна” ұлттық порталы Tengrinews.kz сайтына сілтеме жасап.
Оқиғаның куәгерлері бұл Орталық стадион маңындағы мұз орталығын салу кезінде болғанын хабарлады.
Олардың айтуынша, жүргізуші зардап шеккен. Куәгерлердің сөзінше, “бұрын құрылыс алаңында жертөле болған”. Оқиға орнына полиция да барды.
“Бостандық АІІБ-нің полиция бөлімінен хабарланғандай, аталған факті тіркелді, бастапқы өндіріс материалдары тиісті тексеріс үшін еңбек инспекциясына жіберіледі», - деп хабарлады Алматы қалалық ІІД баспасөз қызметі.
Полицияның мәліметінше, жүргізуші зардап шекпеген.
Естеріңізге сала кетейік, осындай жағдай 4 қаңтар күні Павлодарда “Майқайыңалтын” кенішінің маңында төрт жолаушысы бар автобус шахта маңындағы шұңқырға құлап кеткен болатын.
Автобусты іздеу шаралары әлі жалғасуда.
”Адырна” ұлттық порталы
