Солтүстік Қазақстанда тұрғын үйлерде газ баллоны жарылды, деп хабарлайды "Адырна" тілшісі inbusiness.kz сайтына сілтеме жасап.
Солтүстік Қазақстан облысындағы тұрғын үйдің бірінде бес литрлік газ баллоны жарылған. Жарылыстан үйдің төбесі мен қабырғалары опырылып қалған. Дегенмен өрт болмады, зардап шеккендер бар. Жарылыс болған сәтте үйде болған үш ер адам, әйел адам және 17 жасар бойжеткен әртүрлі дәрежедегі термиялық күйік алып қалған.
Өңірде тағы бір төтенше жағдай тіркелген. 27 литрлік газ баллоны жарылып, үйдің төбесі жанып кетті. Еріктілер өрт сөндірушілер келгенге дейін қызыл жалынды ауыздықтап үлгерген.
Төтенше жағдайдан 84 жастағы әйел мен оның 22 жастағы немересі термиялық күйік алып, ауруханаға жатқызылды.
