Олигарх, Қазақстанның экс-президенті Нұрсұлтан Назарбаевтың күйеу баласы Тимур Құлыбаев KAZENERGY қауымдастығының төрағасы қызметінен кетті, деп хабарлайды «Адырна» тілшісі.
Оның орнына жаңа басшы келді.«Мағзұм Мирзағалиев «KAZENERGY» қазақстандық мұнай-газ және энергетикалық кешен ұйымдары қауымдастығының төрағасы болып сайланды. Тиісті шешім 8 желтоқсанда Алматыда өткен KAZENERGY кеңесінің жеке отырысында қабылданды», - деп жазды қауымдастықтың баспасөз қызметі.Айта кетейік, «KAZENERGY» мұнай-газ секторындағы кәсіпкерлікті дамытуды қолдау мақсатында 2005 жылғы 2 қарашада құрылған еді. Бүгінгі таңда қауымдастық мұнай-газ, электр энергетикасы және атом өнеркәсібі салаларында жұмыс істейтін компанияларды біріктіреді.
Ұқсас жаңалықтар
