Астанада көп қабатты үйден шыққан өрттен үш адамды құтқарып алған Асқар Забикулин ауруханада көз жұмды. Оның артында әйелі мен екі баласы қалды.
Оның денесінің 80 пайызын күйік шалған еді.
Өз өмірін қатерге тігіп, адамдарды ажалдан арашалап алған, батыр азамат Мемлекет басшысының жарлығымен бірінші дәрежелі Айбын орденімен марапатталды. Сонымен қатар, оның отбасына пәтер сыйланған болатын.
Айта кетейік, 16 қараша күні Астанадағы Момышұлы даңғылында 15 қабатты үйде өрт шығып, өрт сөндірушілер өз өмірін қатерге тігіп, бес адамды аман алып шығарған болатын.
Асқардың отбасы мен жақындарына “Адырна” ұжымы қайғыра көңіл айтады! Ер есімі - ел есінде мәңгі сақталады!
