Саясаткер Әміржан Қосанов алдағы Президент сайлауына қатысты пікір білдірді, деп жазды «Адырна» ұлттық порталы.
«Мен кері шегінген жоқпын. Біріншіден, «демократиялық коалиция бір кандидат ұсынса онымен жарыспай-ақ қояйын» деп ойладым. Өйткені менің 1997 жылдан бері айтып келе жатқан қағидам бар. Оппозиция қаншама әртүрлі адамнан құралса да, бірақ, президенттік және парламенттік сайлауда бірге болуы керек. Өкінішке орай, мен соңына дейін күттім. Коалиция біреуді шығарса мен соның шашбауын көтермесем де, қарсы шықпайын деп ойладым. Өйткені, олар біреуді ұсынып мен шықсам тағы да «Қосанов биліктің тапсырмасын орындап жатыр» дейді», – деді.
