Ресей қорғаныс министрінің орынбасары Алексей Криворучконың екі қызы бар, екеуі де АҚШ азаматы. Мұны Навальный LIVE арнасының тергеушілері анықтады, деп хабарлайды “Адырна” ұлттық порталы.
Олардың айтуынша, Криворучконың әйелі 2001 жылы Мәскеу аруы атанған Екатерина Торопова. Ол 2007 жылы күйеуінің тегіне ауысқан.
Навальный LIVE 2012 жылдың 4 тамызында ерлі-зайыптылардың қызды болғанын білді. Тергеушілер шенеуніктің төлқұжат нөмірін анықтап, соның арқасында 2012 жылдың 27 шілдесінде Майамиге ұшып кеткенін, ал 10 тамызда қызы дүниеге келгеннін анықтады. Бұл баланың Америка Құрама Штаттарында дүниеге келгенін және сондықтан Америка азаматтығын алғанын көрсетеді. Америкалық заңдарға сәйкес, АҚШ-та туылғандардың барлығы оны ала алады.
Криворучконың екінші қызы да Америка азаматтығын алды. Ол 2016 жылы 23 қыркүйекте дүниеге келген және ол кезде Екатерина Криворучко АҚШ-та болған.
Криворучконың өзі қорғаныс министрлігіне тағайындалғанға дейін 6 жыл бұрын АҚШ-қа 26 рет барған. Көбінесе Майамиде болған.
2011 жылы ол сол жерде “5256 Fisher Island Drive” компаниясын ашып, пәтер алып, жөндеу жұмыстарын жүргізді. 225 шаршы метрлік пәтерде үш жатын бөлме, қымбат жиһаз, жеке лифт және бірнеше миллион доллар тұратын дүние-мүлкі бар. Кейінірек, Криворучко оны өз компаниясының қызметкері Михаил Тиратурянның атына жазып берді.
Бұқаралық ақпарат құралдарының хабарлауынша, Криворучко АҚШ-та Калашников өнімдерін сатуды ұйымдастыруы керек болған.
Ресейде Навальный LIVE Криворучконың да бірнеше сәнді мүлікке иелік ететінін анықтады. 2019 жылы ол Рубловкадан 500 миллион рубльден асатын құны 1492 шаршы метр үй және 35 акр жер учаскесін сатып алған. Тағы 116 акр декларацияланбаған жер ұзақ мерзімді пайдаланылып келеді
“Адырна” ұлттық порталы
