Дубайдан Тель-Авивке ұшқан flydubai рейсінде жолаушы әріптесіне шабуылдаған ұшқышты құрықтауға көмектескен, деп хабарлайды “Адырна”.
Янив Хаюн ұшақ күрт төмендегеннен кейін ұшқыштар кабинасына кіріп, шабуыл жасаған адамды ұстап, кабинадан шығарғанын айтты.
Оның сөзінше, күдікті ұшақ жабдықтарын зақымдауға тырысқан. Хаюн бір сәтте штурвалды өзіне қарай тартып, әуе кемесін тұрақтандыруға көмектескен. Кейін басқаруды басқа ұшқыш қолға алған. Оқиғадан кейін ресейлік және украиналық ұшқыштар ұшқыштар кабинасына кіріп, басқаруды өз қолдарына алып, Boeing ұшағын Сауд Арабиясының Табук қаласына сәтті қондырған.
30 қыркүйекте FZ1073 рейсі 7700 және 7500 кодтарын жіберіп, бағытын Сауд Арабиясына өзгерткен. Ұшақ қонғаннан кейін бортта пышақ қолданылғаны және ұшқыштар арасында жанжал болғаны туралы мәлімет тарады.
Күдіктінің әрекет ету себебі әзірге белгісіз. Оқиғаға қатысты тергеу жүріп жатыр.
