АҚШ Мемлекеттік департаменті Иранның Әзербайжан аумағына жасаған ұшқышсыз ұшу аппараттары арқылы шабуылын қатаң айыптады. Бұл туралы ресми мәлімдемеде айтылды, деп хабарлайды “Адырна” порталы Report агенттігіне сілтеп.
Мәліметке сәйкес, 5 наурыз күні Иран дрондары Әзербайжанның құрамындағы Нахчывандағы бірқатар нысандарға соққы жасаған. Шабуылдың негізгі нысандарының бірі Nakhchivan International Airport мен балалар мектебі болған. Соның салдарынан бейбіт тұрғындар жарақат алып, азаматтық инфрақұрылымға айтарлықтай зиян келген.
АҚШ Мемлекеттік департаментінің мәлімдеуінше, бұл әрекет – Әзербайжан мемлекетінің егемендігін өрескел бұзу. Сонымен қатар Вашингтон мұндай шабуылдарды аймақтағы жағдайды қажетсіз ушықтыратын әрекет деп бағалады.
АҚШ билігі мұндай қауіп-қатер жағдайында Әзербайжанмен толық ынтымақтастықта екенін білдірді. Ресми Вашингтон аймақтағы серіктес мемлекеттердің аумағына жасалған шабуылдарды қабылдауға болмайтынын атап өтті.
Мәлімдемеде сондай-ақ Америка Құрама Штаттары өз серіктестерінің қауіпсіздігін қамтамасыз ету үшін қажетті қолдау көрсетуге дайын екені айтылды.
АҚШ тергеуді бастады. Binance ресейліктерге санкциядан айналып өтуге көмектесті деген күдікке ілінді
