Арғынбеков көшесінің бойында ашылған бұл емхана “Қазығұрт клиникасының” екінші филиалы.
Шымкент қаласында жеке меншік медицина ұйымдары жылдам дамып келе жатыр.
Қазір қалада 32 емхана болса, соның үштен екісі жекеменшік емханалар. Осыдан 2 жыл бұрын жекеменшік емханалар қала халқының үштен біріне қызмет етсе, қазір тең жартысына медициналық қызмет көрсетіп отыр.
Менің ойымша, жеке сектордың дамығаны жақсы. Жеке емханалар көбейген сайын бәсекелестік арта түседі. Бәсекелістік медицина қызметінің сапасын жақсартудың бірден-бір шарты.
Жалпы, менің ойымша, мемлекет операциямен айналыспағаны жөн. Мемлекеттің жұмысы стратегия, жалпыға ортақ, барлық тараптың мүддесін ескеретін ереже қалыптастыру және барлық тараптың ережені бұзбай жұмыс істейтініне көз жеткізу, бақылау. Ал қалған бүкіл тіршілікпен жеке сектор айналысқаны жөн. Айталық, мемлекет жол салмайды, тек тапсырыс береді. Жолды жеке сектор салады. Сол сияқты мемлекет болашақта барлық салада, оның ішінде денсаулық сақтау саласында да, тапсырыс берушіге ғана айналуы тиіс.
Шыңғыс МҰҚАН Facebook парақшасынан
