Алматы облысының Текелі қаласындағы ТЖ салдарын жоюға ҚР ТЖМ 28237 әскери бөлімінің 100 қызметкері мен 7 бірлік техникасы жұмылдырылды, деп хабарлайды «Адырна» тілшісі облыстық Төтенше жағдайлар департаментіне сілтеме жасап.
«16 мамыр күні сағат 17.00-дегі жағдай бойынша жалпы 890 текше метр балшық шығарылды, 81 рейс жасалды. Қазіргі уақытта Қонаев көшесі балшық массасынан тазартылды»,— делінген хабарламада.
Естеріңізге сала кетейік, 2022 жылдың 15 мамырында Алматы облысының Текелі қаласында су тасқыны болды. Салдарынан 5 жасар қыз қайтыс болып, тұрғын үйлер зардап шекті.
«Адырна» ұлттық порталы
