ІІМ Көші-қон қызметі комитеті Халықты құжаттандыру басқармасы мемлекеттік құжатты алу үшін баж салығын төлемейтін азаматтар санатын айтты, деп хабарлайды "Адырна" ұлттық порталы ҚазИнформға сілтеп.
Салық кодексінің 622-бабына сәйкес:
- ҰОС ардагерлері мен оларға теңестірілген тұлғалар
- Кеңес одағының батырлары
- Социалистік еңбек ерлері
- Мүгедектігі бар азаматтар (барлық топ)
- Бала кезінен мүгедек болған азаматтың ата-анасының бірі
- Қарттар мен мүгедектерге арналған мекемелерде тұратын егде жастағы адамдар
- Жетім балалар және балалар үйлерінде немесе интернаттарда тұратын ата-анасының қамқорлығынсыз қалған балалар
- «Батыр Ана», «Алтын алқа» және «Күміс алқа» төсбелгілерінің иелері
- Чернобыль апатының салдарынан зардап шеккен азаматтарға төлқұжат тегін беріледі.
