الەمگە تانىمال قازاقستاندىق ءانشى ديماش قۇدايبەرگەن قازاقستاندىقتاردىڭ ونىڭ جاڭا ءحيتى – «ءبىر اسپاننىڭ حيكاياسى» ءانىن قىزۋ تالقىلاپ جاتقانىنا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
بۇل تۋرالى ءانشى 15 ءساۋىر كۇنى Instagram پاراقشاسىندا جازدى.
«سالەم، دوستار! بۇگىن الەۋمەتتىك جەلىلەردە جەرلەستەرىمنىڭ «ءبىر اسپاننىڭ حيكاياسى» تۋىندىمدى قىزۋ تالقىلاپ جاتقانىن ءبىلدىم. ايتادى عوي، ەگەر سەنى مازاقتاسا – دەمەك، سەن ءتىرىسىڭ جانە قىزىقسىڭ. شىعارماشىلىق ازىلدەرىڭىز بەن كوڭىل بولگەندەرىڭىز ءۇشىن راحمەت. ال مەنىڭ الەمدەگى سۇيىكتى تىڭدارماندارىما – ءاردايىم مەنى قورعاپ، شىنايىلىق پەن جاقسىلىقتى جاقتاعاندارىڭىز ءۇشىن ۇلكەن راحمەت. سىزدەردىڭ سوزدەرىڭىز مەن ءۇشىن – ناعىز مۋزىكاداي. 26 مامىردا الماتىدا وتەتىن D&Dears كەشىندە جولىعايىق. بيلەتتەر Ticketon.kz سايتىندا ساتىلىمدا»، – دەپ جازدى ديماش.
