لوس-اندجەلەستەگى ءىرى ءورت كەزىندە تالعار وبلىسى اكىمى اپپاراتىنىڭ بۇرىنعى باسشىسى، «حۋتورسكي» ۇيىمداسقان قىلمىستىق توپ جەتەكشىسى حاسان قاسىمباەۆتىڭ اعاسى اسلان قاسىمباەۆتىڭ ءۇيى ورتەنىپ كەتتى. بۇل تۋرالى Qaznews24 پاراقشاسىندا جاريالاندى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، شەنەۋنىكتىڭ كوتتەدجى كوپتەگەن اتاقتى ادامدار تۇراتىن بەدەلدى Pacific Palisades ايماعىندا ورنالاسقان.
ايتا كەتەيىك، لوس-اندجەلەستە ءبىر اپتادان بەرى ءورت جالعاسىپ، مىڭداعان عيمارات قيراپ جاتىر. كۇشتى جەلدىڭ كەسىرىنەن اۋماقتى شارپىعان ءورتتى ءورت سوندىرۋشىلەر ءالى تولىق اۋىزدىقتاي الماي وتىر.
ەسكە سالساق، 16 جاستاعى شەرزات پولاتتىڭ ولىمىنەن كەيىن حاسان قاسىمباەۆ ەكى ايعا قاماۋعا الىنعان ەدى.
قاسىمباەۆ اسلان نۇرعايىپۇلى 1982 جىلى 13 شىلدەدە الماتى وبلىسى كەگەن اۋدانى قارقارا اۋىلىندا دۇنيەگە كەلگەن.
– 1988-1999 جىلدارى الماتى وبلىسى كەگەن اۋدانى قارقارا اۋىلىندا ورتا مەكتەپتى ءبىتىرىپ، 1999-2002 جىلدارى د.ا.قوناەۆ اتىنداعى كوللەدجگە ءتۇسىپ، قۇقىقتانۋ ماماندىعى بويىنشا ءبىلىم العان.
– 2006-2010 جىلدار ارالىعىندا ورتالىق ازيا ۋنيۆەرسيتەتىنە ءتۇسىپ، زاڭتانۋ ماماندىعى بويىنشا وقىعان.
– العاشقى ەڭبەك جولىن 2002-2006 جىلدارى اتىراۋ وبلىسىنداعى تەنگيز شەۆرويل «پاركەر دريللينگ كومپانياسىندا» مۇناي سالاسىندا جۇمىس ىستەگەن.
– 2006-2007 جىلدار ارالىعىندا تالعار اۋداندىق جىلجىمايتىن مۇلىك ورتالىعىندا ينسپەكتور;
– 2007-2016 جىلدارى تالعار اۋداندىق ادىلەت باسقارماسىندا ينسپەكتور قىزمەتىن اتقارعان.
– 2017 جىلدان باستاپ 2020 جىلعا دەيىن تالعار اۋدانىنىڭ بەلبۇلاق اۋىلدىق وكرۋگىنىڭ اكىمى بولىپ قىزمەت ەتكەن.
– 2021 جىلدان باستاپ تالعار اۋدانى اكىمى اپپاراتىنىڭ باسشىسى بولعان، بىلتىر بۇل قىزمەتىنەن بوساتىلدى.
