5 قاڭتاردا حالىق ءارتىسى نۇرعالي ءنۇسىپجانوۆ 88 جاسقا تولدى، دەپ حابارلايدى «ادىرنا» ءتىلشىسى.
اڭىز ءانشىنى ونەردەگى ارىپتەستەرى قۇتتىقتاپ، تىلەكتەرىن جاۋداردى. اقجارما تىلەگىن بىلدىرگەن بەلگىلى جۋرناليست مارات ءبايدىلداۇلى نۇرعالي ءنۇسىپجانوۆتىڭ «قازاقستاننىڭ ەڭبەك ەرى» اتاعىن الماعان مالىمدەدى.
«وسىدان ەكى جىل بۇرىن نۇراعاڭا «قازاقستاننىڭ ەڭبەك ەرى» اتاعىن بەرۋ تۋرالى مەملەكەت باسشىسىنىڭ اتىنا حات جازىپ، وسى اتاقتى العان ءاسانالى اشىموۆتەن باستاپ، دۋلات يسابەكوۆ، مۇحتار شاحانوۆ، روزا رىمباەۆا، اياگۇل ميرازوۆا سياقتى بەس قايراتكەرگە قول قويعىزىپ جىبەرىپ ەدىك. وكىنىشكە قاراي، ۇسىنىس وتپەدى. اللا تاعالام نۇرعالي اعاما ۇزاق ءومىر بەرسىن! قۇداي قالاسا ەندى ەكى جىلدان كەيىن 90 جىلدىعىندا بۇيىرار! سوعان ءبارىمىز امان-ەسەن جەتەيىك!»—دەدى ول.
نۇرعالي ءنۇسىپجانۇلى 1937 جىلى تالدىقورعان وبلىسىنىڭ گۆارديا اۋدانىنداعى كۇرەڭبەلدىڭ (التىنەمەل) جانىنداعى دولانالى اۋىلىندا تۋعان. ول — قازاقستاننىڭ مەملەكەتتىك سىيلىعىنىڭ لاۋرەاتى، «پاراسات»، «قۇرمەت» وردەندەرىنىڭ يەگەرى.
