بۇگىن وبلىس اكىمى نۇرلىبەك نالىباەۆتىڭ قاتىسۋىمەن «سەكسەۋىل» كەنتىندە 40 توسەكتىك اۋرۋحانا اشىلدى. راسىمگە پارلامەنت سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ، رۋسلان رۇستەموۆ، مارحابات جايىمبەتوۆ، مۇرات ەرگەشباەۆ، مۇرات ابەنوۆ جانە زيالى قاۋىم وكىلدەرى، كەنت تۇرعىندارى قاتىستى.
ايماق باسشىسى جينالعان قاۋىمدى جاڭا جىلمەن قۇتتىقتاپ، ءوڭىردىڭ الەۋمەتتىك-ەكونوميكالىق دامۋىنداعى، قۇرىلىس، دەنساۋلىق ساقتاۋ سالالارىنداعى جاڭاشىلدىقتاردى اتاپ ءوتتى.
«پرەزيدەنتىمىز قاسىم-جومارت كەمەلۇلى اۋىل حالقىن ساپالى العاشقى مەديتسينالىق كومەكپەن قامتاماسىز ەتۋدى تاپسىرىپ،دەنساۋلىق ساقتاۋ سالاسى ايرىقشا ماڭىزعا يە ەكەنىن ەرەكشە اتاپ ءوتتى. وتكەن جىلى سالابيۋدجەتى 146 ملرد. 200 ملن. تەڭگەگە جەتتى.«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا بارلىق اۋداندا 10 ملرد. 200 ملن. تەڭگەگە 27 مەديتسينالىق نىسان سالىندى. 2023 جىلى ەكى دارىگەرلىك امبۋلاتوريا ارال اۋدانىنىڭ «قىزىلجار»، «بوگەن» اۋىلدارىندا اشىلىپ، قازىرگى تاڭدا ەمدەلۋشىلەرگە قىزمەت كورسەتۋدە. وسى يگى ءىستىڭ جالعاسى رەتىندە بۇگىن «سەكسەۋىل» كەنتىندەگى 40 توسەك-ورىنعا ارنالعان اۋىلدىق اۋرۋحانانى پايدالانۋعا بەرەمىز.
ايماعىمىزدىڭ دەنساۋلىق ساقتاۋ سالاسىندا اۋقىمدى جۇمىستار اتقارىلۋدا.جىلىنا 10 مىڭ ادامعا دەيىن قىزمەت كورسەتۋگە مۇمكىندىگى بار جاڭا «قان ورتالىعى»، انا مەن بالا ءومىرىن قورعاۋ ءۇشىن كوپبەيىندى وبلىستىق اۋرۋحانا بازاسىندا 70 ورىندىق پەريناتالدىق ءبولىم اشىلدى، جاڭا مرت اپپاراتى ىسكە قوسىلدى.
وبلىس ورتالىعىندا ەمحاناسى مەن ونكولوگيالىق بولىمشەسى بار 300 ورىندىق كوپبەيىندى اۋرۋحانانىڭ قۇرىلىسى جۇرۋدە.بۇگىن ىسكە قوسىلاتىن جاڭا امبۋلاتوريا ەم ىزدەپ كەلگەن ءاربىر ادامعا ساپالى قىزمەت كورسەتەتىن ۇزدىك مەكەمەگە اينالسىن! بىلىكتىدارىگەرلەرىمىز ەلگە ادال قىزمەت ەتىپ، العىسقا بولەنە بەرسىن!»، – دەدى ايماق باسشىسى.
جيىندا پارلامەنت سەناتىنىڭ دەپۋتاتى ناۋرىزباي بايقاداموۆ جيىنعا قاتىسۋشىلاردى قۇتتىقتاپ، ەل اعاسى ناجمادين مۇساباەۆ باتاسىن بەردى.اۋداننىڭ الەۋمەتتىك-ەكونوميكالىق دامۋى جولىندا قاجىرلى ەڭبەك ەتكەن ارداگەرلەر مەن اۋرۋحانانى سالعان قۇرىلىسشىلارعاماراپاتتار تاپسىرىلدى.
ايتا كەتەيىك، ۇلتتىق جوبا اياسىندا 4 كوپبەيىندى اۋداندىق ورتالىق اۋرۋحانا جانىنان قوسىمشا قۇرىلىس سالىنادى. وتكەن جىلى 8 مەديتسينالىق نىسانعا كۇردەلى جوندەۋ جۇرگىزىلدى، 4 ملرد. 600 ملن. تەڭگەگە مەديتسينالىق قۇرال-جابدىقتار ساتىپ الىنىپ، سالانىڭ جابدىقتالۋ دەڭگەيى 87,1 پايىزعا كوتەرىلدى.
حالىقتىڭ سۇرانىسىنا سايكەس 45 جەدەل جاردەم كولىگى الىنىپ، وبلىستىق مەديتسينالىق جەدەل جاردەم ستانساسى 100 پايىز قامتاماسىز ەتىلدى. سوڭعى 2 جىلدا بارلىق ەلدىمەكەندەگى دەنساۋلىق ساقتاۋ مەكەمەلەرىنە 225 جاڭا سانيتارلىق اۆتوكولىك تابىستالسا، ونىڭ 22-ءسى ارال اۋدانىنا بەرىلدى.
