2025 جىلى 3 قاڭتاردا وڭتۇستىك كورەيا پرەزيدەنتى يۋن سوك ءيولدى رەزيدەنتسياسىندا تۇتقىنداۋ ارەكەتى كەزىندە ونىڭ قاۋىپسىزدىك قىزمەتىنىڭ باستىعى پاك چون دجۋن قاجەت بولعان جاعدايدا تەرگەۋشىلەرگە قارسى جەكە اتىس قارۋىن قولدانۋعا بۇيرىق بەرگەن، دەپ حابارلايدى "ادىرنا" ۇلتتىق پورتالى تاسس اگەنتتىگىنە سىلتەمە جاساپ.
بۇل تۋرالى پارلامەنتتە كوپشىلىككە يە «توبۋرو» دەموكراتيالىق پارتياسىنىڭ وكىلدەرى مالىمدەگەن.
ايتا كەتەيىك، وپپوزيتسيالىق پارتيا بۇعان دەيىن «يۋن سوك يول بۇلىگى جاعدايىن زەرتتەۋ كوميتەتىن» قۇرعان بولاتىن. كوميتەت مۇشەلەرى 3 قاڭتاردا انتيكوررۋپتسيالىق تەرگەۋ باسقارماسى پرەزيدەنتتى تۇتقىنداۋ ارەكەتىن توقتاتقانىن، سەبەبى قاۋىپسىزدىك قىزمەتى قىزمەتكەرلەرىنىڭ قارۋلانعانىن مالىمدەدى.
«سول كۇنى پرەزيدەنتتىڭ قاۋىپسىزدىك قىزمەتىنىڭ باستىعى پاك چون دجۋن، ەگەر كۇزەتشىلەر قاقتىعىستا جەڭىلىسكە ۇشىراسا، الدىمەن حولوستىق وقپەن اتۋدى، ول ناتيجە بەرمەسە، وق-ءدارى قولدانۋدى بۇيىرعان. مۇنداي قاتاڭ قارسىلىقتى يۋن سوك يول مەن بۇرىنعى قورعانىس ءمينيسترى كيم يون حيوندى سوقىر سەنىممەن قولدايتىن لوياليستەر توبى باسقارىپ وتىر»، – دەپ مالىمدەدى «توبۋرو» پارتياسىنىڭ وكىلدەرى.
