الماتى قالاسى CNN Travel-ءدىڭ 2025 جىلى بارۋعا ۇسىنىلعان الەمنىڭ ەڭ ۇزدىك 25 باعىتىنىڭ تىزىمىنە ەندى، دەپ حابارلايدى “ادىرنا” ۇلتتىق پورتالىقر مادەنيەت جانە سپورت مينيسترلىگىنە سىلتەمە جاساپ.
الماتى «ورتالىق ازيانىڭ جاڭا ءستيلدى استاناسى» رەتىندە تانىلىپ، ءوزىنىڭ ەرەكشە اتموسفەراسىمەن ەرەكشەلەندى.
CNN Travel مالىمەتىنشە، الماتى ساياحاتشىلارعا ءبارىن ۇسىنادى. قالا تيان-شان تاۋلارىنىڭ ەتەگىندە ورنالاسقان. اگەنتتىكتىڭ اقپاراتىنا سايكەس:
الماتى مەتروسىنىڭ ستانتسيالارى — ناعىز ونەر تۋىندىسى;
ءابىلحان قاستەەۆ اتىنداعى مەملەكەتتىك ونەر مۇراجايى — 20 000-نان استام ونەر تۋىندىسى بار;
«تسەليننىي» زاماناۋي مادەنيەت ورتالىعى، ول 2025 جىلى جاڭا عيماراتقا كوشەدى.
الماتى — كوشپەندى حالىقتاردىڭ ءداستۇرلى ينگرەديەنتتەرىن زاماناۋي اسپازدىق ادىستەرمەن بىرىكتىرەتىن Neo Nomad اسحاناسىنىڭ وتانى.
CNN Travel ساياحاتتى مەدەۋ اڭعارىندا ورنالاسقان «AUYL» مەيرامحاناسىنان باستاۋعا كەڭەس بەرگەن.
قالا ەۋروپا، ازيا جانە تاياۋ شىعىسپەن تىكەلەي اۋە قاتىناسىمەن بايلانىستى. سونداي-اق، قازاقستان اقش، كانادا، اۆستراليا، ۇلىبريتانيا جانە باسقا دا ەلدەردىڭ ازاماتتارىنا ۆيزاسىز رەجيم ۇسىنادى.
