27 جەلتوقساندا قىرعىزستان پرەزيدەنتى سادىر جاپاروۆ قىتاي-قىرعىزستان-وزبەكستان تەمىر جولىنىڭ قۇرىلىسىن سالتاناتتى تۇردە اشتى. بۇل تۋرالى مەملەكەت باسشىسىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
العاشقى تاس قالاۋ ءراسىمى جالال-اباد وبلىسىنىڭ توش-كۋتچۋ اۋىلىندا ءوتتى. وعان قىتاي مەن وزبەكستاننىڭ رەسمي وكىلدەرى قاتىستى.
جاپاروۆ جوبانى قولداعانى ءۇشىن قىتاي مەن وزبەكستانعا العىسىن ءبىلدىردى. ايتۋىنشا، تەمىر جول وڭتۇستىك-شىعىس جانە باتىس ازيا، تاياۋ شىعىس، تۇركيا مەن ەۋروپالىق وداق نارىقتارىنا جول اشاتىن «بەلدەۋ جانە جول»باستاماسىنىڭ ماڭىزدى جوباسى بولماق.
ۇزىندىعى 450 شاقىرىمنان اساتىن جەلىنى سالۋ جوباسىنا دايىندىق 2022 جىلى ءۇش ەل قىتايدىڭ قاشعار اۋدانىنان وزبەكستان شەكاراسىنا دەيىنگى باعىتتى كەلىسىپ، تەحنيكالىق-ەكونوميكالىق نەگىزدەمەسىن ازىرلەۋگە كەلىسكەن كەزدە باستالعان ەدى. جوباعا $21 ميلليون ينۆەستيتسيا سالىنىپ، 100-دەن استام جۇمىس ورنى اشىلادى دەپ كۇتىلۋدە.
