جامبىل وبلىسىندا پوليتسيا قىزمەتكەرلەرى سىبايلاس جەمقورلىق سحەماسىنا قاتىسى بار دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
بۇل تۋرالى سىبايلاس جەمقورلىققا قارسى قىزمەتتىڭ رەسمي وكىلى دانيار بەگايداروۆ مالىمدەدى.
"سىبايلاس جەمقورلىققا قارسى قىزمەت جامبىل وبلىسىنىڭ شەكارالاس اۋداندارىنىڭ ءبىرىنىڭ پوليتسيا قىزمەتكەرلەرىنىڭ قىلمىستىق ارەكەتىن توقتاتتى. ولار قازاقستان رەسپۋبليكاسىنان جانار-جاعارماي ماتەريالدارىن زاڭسىز شىعارىپ، شەتەل ازاماتتارىنان زاڭسىز ماتەريالدىق سىياقىلار العان دەپ كۇدىككە ءىلىندى", – دەدى بەگايداروۆ انتيكوردا وتكەن بريفينگتە.
حابارلانعانداي، ولاردىڭ زاڭسىز ارەكەتتەرىنىڭ ناتيجەسىندە كورشى مەملەكەت ازاماتتارى مۇناي ونىمدەرىنىڭ كونترابانداسىن ۇيىمداستىرعان.
"تەرگەۋ ارەكەتتەرى كەزىندە كۇدىكتىلەردىڭ ءبىرى سىبايلاس جەمقورلىققا قارسى قىزمەت وكىلدەرىنە قارسىلىق كورسەتىپ، قىزمەتتىك قارۋدى قولدانعان. سوت سانكتسياسىمەن قاماۋعا الىندى. تەرگەۋ جالعاسۋدا", – دەپ قوستى انتيكور وكىلى.
