تالعات مۇراتوۆ سەمەي قالاسىنىڭ اكىمى بولىپ تاعايىندالدى. بۇل تۋرالى بۇگىن، 23 جەلتوقساندا اباي وبلىسىنىڭ اكىمدىگى ايتتى، دەپ حابارلايدى «ادىرنا» ءتىلشىسى.
بۇعان دەيىن ول بەسقاراعاي اۋدانىنىڭ اكىمى قىزمەتىن اتقاردى. مەملەكەتتىك قىزمەتكە 2014 جىلى كەلگەن. ءۇش جوعارى ءبىلىمى بار. 2007 جىلى قازاق باس ساۋلەت-قۇرىلىس اكادەمياسىن «ساراپشى-باعالاۋ»، 2015 جىلى قازاق يننوۆاتسيالىق ۋنيۆەرسيتەتىن «قۇقىقتانۋ»، ال 2018 جىلى قازاق قاتىناس جولدارى ۋنيۆەرسيتەتىن «تەحنيكا جانە تەحنولوگيالار» ماماندىقتارى بويىنشا بىتىرگەن.
مۇراتوۆقا دەيىن اباي وبلىسىنىڭ ورتالىعىن نۇربول نۇرساعاتوۆ باسقارعان ەدى.
«مەن ءاردايىم قالا تۇرعىندارى ءۇشىن اشىق بولدىم جانە وسى قيىن جۇمىستا مەنى قولداعانداردىڭ بارلىعىنا شىن جۇرەكتەن العىس ايتامىن. سىزدەردىڭ سەنىمدەرىڭىز بەن قولداۋلارىڭىز مەن ءۇشىن وتە قىمبات. ءبىز كەزدەسكەن ماسەلەلەرگە تۇسىنىستىكپەن قاراعاندارىڭىز ءۇشىن راحمەت»،—دەدى ول.
ەسكك سالايىق، 22 جەلتوقساندا سەمەيدە ورتالىق الاڭدا شىرشا تۇرعىزۋعا جاردەمدەسكەن مۇعالىم قۋات ايتقاليەۆ بيىكتەن قۇلاپ، اۋىر جاراقات العان بولاتىن. وسى وقيعادان سوڭ قالانىڭ ءبىلىم ءبولىمىنىڭ باسشىسى قىزمەتىنەن كەتتى.
