اراعا ءبىر مەرزىم سالىپ، اقش پرەزيدەنتتىگىنە قايتا سايلانعان دونالد ترامپ بيلىككە كەلگەن سوڭ اقش-تا دۇنيەگە كەلگەن شەتەلدىك سابيگە ازاماتتىق بەرۋدى توقتاتۋعا نيەتتى ەكەنىن جەتكىزدى. بۇل تۋرالى ول NBC News-كە بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
«ءبىز بۇل تاجىريبەگە نۇكتە قويۋىمىز كەرەك. سەبەبى ول تىم كۇلكىلى»،- دەدى باسشى.
ترامپ اقش كونستيتۋتسياسىنداعى 14-باپتى تۇزەتۋدى قالاي جوسپارلاپ وتىرعانىن ناقتى اتاپ وتپەدى. الايدا ونى مۇمكىن بولسا، «اتقارۋشى ارەكەت ارقىلى» جاسايتىنىن ايتتى. سونداي-اق اقش-قا بالا كەزىندە كەلگەن قۇجاتسىز يمميگرانتتاردىڭ ەلدە قالۋىن قامتاماسىز ەتەتىن زاڭ قابىلداۋ ءۇشىن دەموكراتتارمەن جۇمىس ىستەۋگە اشىق ەكەنىن مالىمدەدى.
ەسكە سالايىق، بۇعان دەيىن ترامپ قۇجاتسىز جۇرگەن ميگرانتتاردى امەريكادان شىعارۋ ءۇشىن اسكەر كۇشىن پايدالاناتىنىن حابارلاعان ەدى.
قازىرگى تاڭدا «توپىراق قۇقىعى» قاعيداتى بويىنشا وسى ەلدىڭ توپىراعىندا دۇنيەگە كەلگەن كەز كەلگەن سابيگە اقش ازاماتتىعى بەرىلىپ كەلەدى.
