ۇكىمەت «زاپاستاعى وفيتسەرلەردى اسكەري قىزمەتكە شاقىرۋ تۋرالى» قاۋلى قابىلدادى، دەپ حابارلايدى «ادىرنا» ءتىلشىسى.
«زاڭدا بەلگىلەنگەن تارتىپپەن 2025 جىلى اسكەري قىزمەتكە جارامدى جانە ونى وتەمەگەن زاپاستاعى وفيتسەرلەر 24 اي مەرزىمگە اسكەري قىزمەتكە وفيتسەرلىك لاۋازىمدارعا شاقىرىلسىن»،—دەلىنگەن قۇجاتتا.
كەلەر جىلى 915 زاپاستاعى وفيتسەر اسكەري قىزمەتكە شاقىرىلادى:
قازاقستان رەسپۋبليكاسىنىڭ قارۋلى كۇشتەرى – 700,
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى – 80,
قازاقستان رەسپۋبليكاسى ىشكى ىستەر مينيسترلىگىنىڭ ۇلتتىق ۇلانى – 131,
قازاقستان رەسپۋبليكاسىنىڭ توتەنشە جاعدايلار مينيسترلىگى – 4.
ايتا كەتەيىك، قاۋلى 3 جەلتوقساندا كۇشىنە ەنەدى.
