ورتالىق كوممۋنيكاتسيالار قىزمەتىنىڭ بريفينگىندە قىزىلوردا وبلىسىنىڭ اكىمى نۇرلىبەك نالىباەۆ وبلىس ورتالىعىندا قوعامدىق كولىك ماسەلەسى تۇبەگەيلى شەشىلگەنى تۋرالى مالىمدەدى.
«وبلىس ورتالىعىنداعى جولاۋشىلار تاسىمالداۋ قىزمەتىن جاقسارتۋ ماقساتىندا 300 جاڭا اۆتوبۋس الىنىپ، قوعامدىق كولىك ماسەلەسى تولىعىمەن شەشىمىن تاپتى»، - دەدى ايماق باسشىسى.
مۇنان بولەك، «قازاقستان تەمىر جولى» كومپانياسىنىڭ، جەرگىلىكتى كاسىپكەرلەردىڭ دەمەۋشىلىگىمەن 600 ملن. تەڭگەگە جۋىق قارجىعا تەمىرجول ۆوكزالى كۇردەلى جوندەۋدەن ءوتتى.
قىزىلوردا قالاسىندا زاماناۋي ۇلگىدەگى اۆتوۆوكزال عيماراتى پايدالانۋعا بەرىلدى. جاڭا اۆتوۆوكزالدا 38 اۆتوبۋس مارشرۋتى ۇيىمداستىرىلعان، ونىڭ 1-ءۋى حالىقارالىق، 7-ءۋى وبلىسارالىق، 30-ى اۋدانارالىق باعىتتا.
ەكوتاكسي قىزمەتىن قۇرۋ بويىنشا الىنعان 100 ەلەكتروموبيلدىڭ بارلىعى تۇرعىندارعا قىزمەت كورسەتۋدە.
