بۇگىن تاڭەرتەڭ استانادا ەكى قاباتتى جەكە تۇرعىن ءۇي ورتەنىپ، 2 مەن 13 جاس ارالىعىنداعى ءتورت بالا قايتىس بولدى، دەپ حابارلايدى "ادىرنا" ۇلتتىق پورتالى.
قازا تاپقان بالالار 2011, 2015, 2021 جانە 2022 جىلى تۋعان.
"قۇتقارۋشىلار حابارلاما كەلىپ تۇسكەننەن كەيىن 6 مينۋتتا جەتىپ، اشىق ءورتتى بايقاعان. ءورت الدىن الا 500 ش.م. الاڭدا وقشاۋلانىپ، تولىعىمەن ءسوندىرىلدى", - دەپ حابارلادى تجم
ءورتتىڭ سەبەبى انىقتالۋدا. سوت-مەديتسينالىق ساراپتاما تاعايىندالدى. وقيعا ورنىندا ءورت زەرتتەۋ زەرتحاناسى جۇمىس ىستەۋدە، قازا تاپقانداردىڭ جاقىندارىنا اپاتتار مەديتسيناسى ورتالىعىنىڭ جانە استانا قالاسى تجد پسيحولوگتارى كومەك كورسەتۋدە.
استانا اكىمدىگىنىڭ مالىمەتىنشە، ورتەنگەن جەكە ۇيدە ەكى وتباسى تۇرعان. بالالار قايتىس بولعان وتباسىعا ماتەريالدىق، تۇرعىن ءۇي جانە باسقا دا قاجەتتى كومەك كورسەتىلەتىنى ايتىلدى.
ەكىنشى وتباسىندا زارداپ شەككەندەر جوق. ولار ۋاقىتشا تۇرعىن ۇيگە ورنالاستىرىلدى.
